Ми, агеин, фрастрејтед

Дете од мајчина цицка трга..

Кога вака ми опишаа едно суштество што на изглед наликува на човек,но не и по душа, баш и не обрнав многу внимание. И кога седев и кажував се што сум стекнала како искуство, не ни мислев дека тоа некогаш ќе ми се врати со зло. А пак, кога без проблем прифатив да помогнам и добив вештачки солзи од другата страна, се сожалив, пустата јас.  И уште кога сите беа против јас бев неутрална, молчев, не разменував задгрбни муабети, не гатав на кафиња и не сеев семе на озборувања.

Будала, никеја! Будало, една! Ај што не ги познаваш луѓево, ај што дозволуваш се некако да те помести од колосек, иако секој пат си викаш ова е последно, не постои веќе ништо што може да ме растресе во моите уверувања, секој следен пат е нешто уште посилно, во смисла на нешто пострашно… Буџетар сум. Нејсе, си работам, колку што знам, како што знам и си легнувам навечер како бајче со чиста совест, без рекапитулација кого згазнав денес.. Е сеа, анлајк дис, има една друга категорија на луѓе кои ама ич не им чуе како и преку добиваат нешто што сакаат да го добијат.. Лицемерие, али сакаш! Contingency planning – или во слободен превод кажано – планови за вонредни ситуации – оваа категорија на луѓе ги составува „из цуге“… Онака, баш си знаат што и како и кога и со кого да направат она што сакаат да го направат..НАТО и компанија можат слободно  обука за размена на искуства да си побараат, а механизмите за процесуирање на обуки комотно може да ја стават на листата на омнизнаечки експерти за исполнување на нивните „суштински-осмислени“ семинари..

Енивеј, драги мои, така јас кутратата наивна со крстот на чело,задоена во она старо дека не постојат лоши/злобни луѓе, туку само луѓе кои направиле погрешен избор во животот, и натаму помагав.. подучував, дружев, заштитував, криев туѓи грешки.. За тоа „од мајчина цицика оттргнувачко“ суштество, тоа сврдле и штрафче, да го добие она што го доби, да плаче на живо и на мртво да се смее, да биде ѕвезда водиља на нашата ни администрација..

Тажна сум, повеќе од се. Не дека е единствен, не дека ги немало и нема да ги има.. Не дека провинцијата (секоја чест на исклучоците) е таква и секогаш ќе остане таква – пробисветовна, лицемерна, манипулаторска, користољубива.. Но тажна сум зашто дефинитивно нема да не биде.. Ако на ЕУ гајс и гирлс им се каже твоја работа е да го затвораш пенкалото, тој/таа само тоа и ќе го прави, ќе се усовршува до момент на екстаза во таа своја минијатурно загадочна делегирана задача, ама нема да и текне утре да го праша оној што го става федерот на пенкалото како се прави тоа и дали може тој/таа да го научи тоа.. А во никој случај па нема да се замеша кај тој што става мастило во мината, затоа што едноставно знае бре за доста.. И не го/ја интересира! Парата е таа, иста плата, иста работа.. ес иф.. Како не бе!

Е кај нас.. и мина и пенкало, и отворање и затворање, и федер и капаче и она металното топче што не научив ни како се вика во животов, а прашање е дали и имаме збор за тоа – се ќе праша сврдлето.. И на се ќе добие одговор.. Од оној купи ова,  од оној ова, од тие таму нешто друго, од оние вчера што беа и историјатот на пенкалото, па и моливите, а да не зборуваме за тенкоминците – се ќе си дознае.. И оп.. ето њега/њу куде папата на гости.. Па ја знам ова, она.. учев, читав, ми текна една идеја..

„Имам една идеја“ – знае да каже син ми.. -Кажи бе, сине, што идеја ти дојде? -Ми се моча!

Така и овие.. Ќе се помочаат од толку лигавење и недодржување и свингање во тесна сукња или пантолони кога се наклонуваат те кај еден, те кај друг.. да добијат во знаење, де, не за друго.. Нека трпи, бешиката..

А кога ете, ќе си се изнаприкажам и кога ќе му се доверам на мене блискиот и најблискиот, па се ми изгледа и не така трагично и тажно.  Мочковци и мочли! Ботом лајн, мочки и уринарни трактови.. Ес лонг ес не ми смрдат под нос, итс фајн вит ми. Али како викаат.. Господин остаје господин чак и кад не носи костим.. Али сељак, е сељак, па и ако научи дека Стразбург е уствари Стразбур и дека Long Island се чита Лонг Ајленд а не Лонг Исланд..

ето.. за сите оние кои случајно се пронајдоа, сори.. а за оние кои нема да се пронајдат, а треба, пак сори.. Сељак е сељак, упм…