Ебаго

Прво да си кажам вистината.. Идејата за овој текст не ми дојде сама од себе. Сестра ми беше така фина да ме упати на еден линк од стариот добар јутуб (што би рекле!).. Нејсе.. Што е со зборот „ебаго„? Многу зборови почнуваат на буквата „е“,но само еден го има она табу (барем го имаше на времето) значење. И ден денес, слушам коментари кога дете ќе го каже зборчето, веднаш се шушка – колку невоспитано дете. А „детто“ просто прекажува она што слуша..

Зборот „ебаго“ во повеќе зборовни конструкции…

И што сега, ебаго? – Како модално зборче (веројатно, во овој случај) за да го зголеми ефектот кај слушателот!

Ебате, животот, ебате! – Повторно за зајакнување на исказот!

Батали го тој, заебан е! – Како придавка за поблиску да ни го објасни предметот на нашето внимание!

А, тие? Тие се ебат откако знам јас за себе! – Како глагол за да го опише дејствието меѓу двајца или повеќе луѓе!

Еба му мајката! – Уште еднаш како глагол кога сакаме да кажеме дека некој некого или нешто сотрел!

Се заебав! – Кога сме западнале во ситуација во која баш и не би сакале да бидеме!

Ме ебеш ти мене или? – Кога некој некому вода му мати!

Кој го ебе! – Кога сакаш некого да ставиш на игнор..

Си викам ај да шетнам по нетов да видам што има за зборот „ебе„.. Помислив дека ќе ми се појават само ХХХ сајтови со аматерска порка, арно ама вики-речникот,ми извади етимологија, изговор, конјугација(футур и паст перфект), па дури и related items:

Related terms

• ебење
• ебачка
• заебува
• еби се

За првите три поврзани термини, се уште јунак не се нашол да пише, додека „еби се“ е со превод на англиски и објаснување (вулгарно, навредувачки). Како што наведов погоре, зборот „ебе“ и сите негови форми имаат многу значења. Филолог сум, но не сум сретнала збор со толку различни значења и збор кој може да долови толку различни расположенија и мислења. Еби е омнипотентен глагол, збор со неограничено значење. Може да не насмее, да не навреди, да не натажи, да ни даде индикација за нечие мислење, да не згрози, да не „запали“, да не „олади“, да не натера да останеме, да не натера да си одиме… Како беше она: “Fuck the fucking fuckers?”. И како би дошло тоа на нашки.. Ебате, ебачите, ебате!